Ang mga teroristang Abu Sayyaf namunggot nasad og ulo sa ilang kinidnap nga wa makabayad og ransom ang pamilya niini.
Magtutudlo ang biktima kinsa gihilakan og minatay sa iyang pamilya ug mga tinun-an didto sa Mindanao.
Puwerteng sukoa sa gobiyerno. Gikondenar dayon sa Presidente ang yawan-on nga buhat ug gimandoan ang militar nga pabayron og mahal ang mga kriminal.
Kinahanglan kuno “full force of the law” gyud ang ihapak ngadto sa naghimo sa “dastardly act.”
Ingon gyud niini kanunay ang atong madungog gikan sa kagamhanan. Apan duna na bay nahapak og “full force of the law?”