Tungod kay daghang mga ospital sa gawas, labi na sa Amerika, ang nanginahanglan og nurses ug tungod kay nagkadaghan sa atong mga high school graduate ang gustong mag-nurse, nanguhong sad ang mga nursing schools sa nagkadaiyang dapit sa nasud.
Karon nahibaw-an sa Commission on Higher Education kon CHED nga daghan sa atong mga nursing school nga wala gyud bisan usa ka graduate niini nga nakapasar sa board examinations nga gihatag sa Professional Regulation Commission sud sa lima ka tuig.
Ug tungod niini, midesidir ang CHED sa pagtak-op niining maong palpak nga nursing schools. Mga 177 kini sila.
Angay nga daygon ang CHED tungod sa hukom nga nakab-ot niini.
Luoy kaayo ang mga estudyante ug ilang mga ginikanan gumikan sa sayop nilang pagpili sa mga eskuwelahan nga dili makapapasar sa board exam sa ilang mga gradwado. Ni Juanito Jabat