EDITORYAL - OK ang preemptive evacuation, apan...

Nagahisgot sila og preemptive evacuation didto sa Luzon diin ang mga pamilya nga nanimuyo sa mga dapit nga kuyaw sa baha ug pagdahili sa yuta kon landslide i-evacuate bisan wa pa ang katalagman.

Nasugdan na man gani sa pipila ka mga dapit bisan dunay pipila usab ka mga pamilya nga nagpagahigahi.

Naay mga sugyot nga himuon usab dinhi sa Sugbu kining gitawag nga preemptive evacuation kon pagpabakwit sa mga lumolupyo kang kansang kinabuhi anaa sa kakuyaw atol sa baha ug landslide.

Pipila niining maong mga lumolupyo mosugot man kuno sa pinugos nga pagpabakwit kanila apan asa man sila dad-a?

Maimplementar lang sa hingpit kining maong matang sa evacuation kun naay giandam nga relocation site alang sa apektadong pamilya.

Mao man gani tingali nga wala kini hatagi og puwersadong pagpatuman tungod kay dili pa andam ang kagamhanan sa paghatag og tukmang relocation site.