Nagsunod-sunod ang katalagman nga naangkon sa mga nasud sa rehiyon diin nahisakop ang Pilipinas. Ang rehiyon sa Southeast Asia.
Human kusokusoa sa bagyo ug lumsi sa baha ang Pilipinas, miangkon usab sa samang katalagman ang Vietnam ug Cambodia.
Linog nga makalilisang sab ang miigo sa Indonesia. Ug didto sa Pacific region, linog ug tsunami ang naangkon sa duha ka Samoa islands.
Daghang kinabuhi ang nakalas. Minilyon dolyares ang kantidad sa mga nangaguba nga kabtangan.
Sumala sa mga eksperto, kining tanan wa’y laing sad-an kundili ang katawhan ra sab nga mipanamastamas sa kinaiyahan.
Tungod sa pag-abuso nato sa kinaiyahan ug kalikupan, nahitabo ang giingong global warming ug climate change nga maoy hinungdan sa kalamidad nga giantos karon sa kalibutan. Ni Juanito V. Jabat