Nasud nasad sa laing problema si Talisay City Mayor Socrates “Soc” Fernandez tungod sa lain nasang “kalapasan” nga nahimo sa iyang sinagop nga anak.
Ang maong anak nalambigit na sa daghang mga kalapasan sa balaud ug gani napriso naman kini apan nakagawas tungod sa piyansa.
Si Kongresista Eddie R. Gullas sa Unang Distrito sa Sugbu ug giilang mentor ni Mayor Soc, mitambag ngadto sa mayor nga iyang ipasud og rehabilitation center ang iyang anak nga si Joavan.
Makadaghan nang higayon nga mihimo si Gullas sa maong sugyot. Apan gisalikway.
Manghinaut kita nga ning higayona hatagan sa mayor og pagtagad ang maong sugyot kun maymay. Dili lang alang sa kaayohan sa iyang anak kun dili alang usab sa iyang imahe isip pangulo sa siyudad.