Dunay bug-at nga problema ang China karon. No, dili ang swine flu. Dili sad ang Taiwan nga gustong ma-independent. A, basta kay bug-at.
* * *
Suma pa sa balita nagkadaghan karon ang mga obese kon tambok nga mga bata sa China. Apan nganong problemahon man kining mga tambokikoy?
* * *
Giisip kini nga problema -- kining nagkadaghan nga mga tambak nga bata -- tungod kay suma pa sa mga batid sa panglawas, ang obesity kon hilabihan ka tambok sa tawo, usa ka health problema kon health hazard.
* * *
Sa China karon, suma pa sa usa ka tv report, daghan sa mga pamilya, bisan kabus, dunay usa o duha ka tambok nga bata. Ang paggam kuno niini usa ka problema kay nagkinahanglan man og dakong gasto alang sa pag-raise sa bata.
* * *
Dinhi sa ato, gaan nga problema ang giatubang sa daghang pamilya. Ang pagpatambok sa bata maoy problema. Daghan man god kuno ang mga malnourished or undernourished tungod sa kakuwang sa pagkaon.
* * *
Didto sa usa ka dapit sa Africa -- di ko lang hisgutan ang ngalan sa nasud kay basig mahimangud ang atong magbabasa didto -- ang problema dili mao ang mga tambok nga bata o mga niwang.
* * *
Ang mga batang dagkong tiyan maoy problema. Dagkog tiyan ang mga bata dili tungod kay busog sa pagkaon kundili napuno ang tiyan og bitok. Gitawag kining sakita nga schistosomiasis.
* * *
TRIVIA -- Belated happy birthday greetings ngadto nila ni Sir Jerry Tundag, E-in-C sa The Freeman (Sept. 15). ug ni Bhoy Mendoza, GM sa The Freeman (Sept. 16). God bless.