Tinuyong pagkaamang, tinuyong pagkabungol

Giayo sa atong Ginoo ang bungol ug amang ug gibalik ang iyang tukmang dapit diha sa katilingban. Ang iyang kaamang maoy dakong hinungdan kun nganong nahimo siyang halayo ug wala hisabti sa kadaghanan. Ang iyang kabungol maoy nahimong hinungdan kun nganong dili niya madungog ang mga kaguliyang sa kalibutan. Apan sa dihang siya giayo nahimong iyang nasinati kun unsay kahulogan sa gitawag nilang kalibutan.Apan kun buot hunahunaon ning atong kapanahonan karon daghan ang nahimong mga bungol ug amang apan ang nakadaot kay ilang tinuyoan. Sa matag higayon nga mas palabihon nimo ang dili pagpaminaw sa kamatuoran o dili ba kaha sa panginahanglan sa kalibutan nan, bungol ka. Sa matag higayon nga pabilin nimong tak-omon ang imong baba diha sa pagsulti sa matuod nan, amang ka. Ug kini maoy usa sa mga gamhanang pamaagi sa yawa.