Obama pa burger-burger lang, Ate
Una sa tanan, mamalihog ko sa atong proofreader kun mahimo ayohon pag-proofread kining ubos tang kolum. Kana lang. Thank you.
* * *
Nalingaw kaayo ko sa kolum ni Iyo Antoy adtong pipila ka adlaw nga minglabay. Bahin kadto nila ni US Pres. Barack Obama ug Vice Pres. Joe Biden.
* * *
Si Obama ug si Biden nagpadung sa Virginia gikan sa Washington DC dihang gibatig kagutom. Nihunong sila sa usa ka gamay nga burger stand daplin sa highway ug nangaon. Masigbayad sila sa ilang gikaon.
* * *
Ug abi ninyo'g unsa? Wala sila mangayo og special treatment. Nipila sila uban sa mga ordinaryong tawo nga sama kanila tingali gigutom sab. Walay aide kun bata-bata nga nipila alang kanila.
* * *
Si Iyo Antoy nangutana: "Mahimo kaha ni ni GMA kinsa di pa lang dugay migasto og dakong kantidad sa usa ka panihapon didto sa luho ug mahalon nga kan-anan sa New York?"
* * *
Bisan tingali ang iyang Press Secretary dili molinya aron sa pagpalit og burger sa usa ka baratohon nga roadside burger stand. Nga maoy gihimo ni Obama ug Biden, ang dagkong lider sa labing kuwartahan ug gamhanan nga nasud sa kalibutan.
* * *
Palain tag subject ... si GMA misulti kang Presidente Obama nga ang iyang termino isip Presidente sa Pilipinas kutob ra sa Hunyo 30 tuig 2010. Manaug siya human sa iyang termino. Gikalipay kini ni Obama tungod kay ang democratic process gisunod, o pagasundon, ni GMA.
* * *
Apan si Sen. Miriam Defensor Santiago nga anaa sa kampo ni GMA madudahon. Nagduda siya nga tumanon kini ni GMA ang iyang gisulti kang Obama. Unsa gud ni, Ate Glo, hasta si Ma'am Miriam di motuo nimo?
- Latest
- Trending
