Nagsunod-sunod ang aksidente sa mga bus didto sa Metro Manila diin daghang kinabuhi ang nakalas ug mga kabtangan nga nangaguba.
Ang kasagaran sa hinungdan sa maong mga aksidente mao ang dautang preno kon faulty brake system.
Ang laing hinungdan mao ang depektosong steering wheel kon manobela.
Kining nagsunod-sunod nga disgrasya sa kadalanan didto sa Metro Manila mahimong ilhon nga pahinumdom ngadto sa mga tag-iya’g mga sakyanang de pasahero dinhi sa atong dapit.
Samtang wala pa mahitabo ang kamatay sa kadanan tungod sa mga sakyanan nga depektoso ang preno, manobela ug uban pa, maayong inspeksyonon na kini sa mga ahensiyang hingtungdan ug sa mga operator mismo sa maong mga sakyanan.