Ang mga doktor sa Cebu City Medical Center mipagawas sa ilang reklamo kon mulo kabahin kuno pagpanghilabot sa mga politiko sa ilang (mga doktor) trabaho.
Pasagdan lang kuno unta sila kay sila man ang nagtrabaho ug sila ang nasayod sa ilang trabaho.
Misinta si Mayor Tomas Osmeña ug nisamot ang iyang kasuko ngadto sa mga doktor kang kansang competence iya nang daan nga gisaway.
Gisubli sa mayor ang iyang hagit sa mga doktor sa pagbiya sa CCMC kun wala sila makaangay sa iyang pamaagi.
Makapaayo ba sa serbisyo sa CCMC kun sigiha’g insulto ang mga doktor ug sigiha’g kuwestiyon ang ilang kahibalo sa pagpanambal?
Kining panagsungi tali sa mga doktor sa CCMC ug sa mayor labi na sa pagpakita sa mayor sa iyang pagkawalay salig sa mga doktor sa iyang hospital wa gyu’y maayong dangatan.
May pag-serad-an nalang ang hospital.