Ang mga opisyal sa barangay, labi na ang mga kapitan, giawhag sa pagpatuman sa mga lagda sa Anti-Noise Ordinance ilabi na kalabot sa operasyon sa video karaoke machines.
Si Konsehal Edgardo Labella miawhag sa mga opisyal sa barangay nga ilang higpitan ang pagpatuman sa ordinansa batok sa kabanha.
Daghang mga lumolupyo sa kabarangayan ang hagbay nang nangreklamo batok sa kasaba sa video karaoke ug mga disco nga mohikaw kanila sa ilang katulogon, apan wala kahatagi’g sulosyon ang ilang problema.
Manghinaut kita nga hatagan og katumanan sa mga opisyal sa barangay ang awhag ni Konsehal Labella.
Panahon na nga kahatagan og ngipon ang Anti-Noise Ordinance nga sa dugay’ng panahon gibaliwala lang sa mga opisyal nga gitahasan sa pagpatuman niini.