EDITORYAL - Seminar sa taxi drivers

Sa dili madugay, moabot na dinhi sa Sugbu ang mga gitawag nga Yellow Taxi nga anha mo-operate sa airport.

Tungod kay ang target passengers niini mao man ang mga turista, ang mga drayber niining mga Yellow Taxi gipaubos sa subsob nga seminar diin ang maayong pamatasan nga ipakita ngadto sa mga pasahero maoy gipatigbabaw.

Dili ba maayo nga ang mga drayber usab sa mga taxi nga dili Yellow ipaubos usab sa susamang seminar?

Daghan -- wa ta moingon nga kadaghanan -- sa mga drayber sa “white taxi” nagkinahanglan usab sa matang sa seminar nga gihatag ngadto sa mga drayber sa Yellow Taxi.

Sugyot lang kini apan mapasalamaton kita kun hatagan og gamay’ng pagtagad ning maong sugyot.