Manguros ba ang mga komunista?
Sports una ta ... Gilubong sa Powerade Team Pilipinas ang Sri Lanka, 115-31, didto sa Tiangjin. As expected. Ang mga Sri Lankan gud bag-o pang nakakat-on sa pagdribol sa bola. Cricket ang ilang namaster.
* * *
Naay mga gaduso kang Kris Aquino nga padaganon sa eleksyon sa Mayo 2010. Duna ba kitay "crying need" for a leader sama ni Kris?
* * *
Nagkahiusa ang mga Pilipino atol sa pagpanaw ni Presidente Cory Aquino, ilabi na dihang hapit na siya ilubong. Libo ka libong mga Pinoy, apil na gani ang mga Muslim ug giingong mga komunista, nisud sa Manila Cathedral aron paghatag sa ilang pagpanamilit ug katapusang pagyukbo kang Cory.
* * *
Nakit-an sa TV ang usa ka partylist congressman nga gitawag og komunista sa laing partylist congressman. Naay nangutana: "Nanguros kaha siya? Ang komunista gud godless man. Imbes cross ang naa sa ialng dughan, sanggot ug maso."
* * *
Naay mga sugyot nga himoon si Cory nga Santa. Wa ko'y comment niini. Apan kun masanta man gayod si Cory, duna na kita'y ampoan nga mawa na unta ang mga kurakot to atong nasud. Mas maayo man nga siya ang atong ampoan kay suheto siya sa korupsiyon sa Pinas.
* * *
Si Cory gilubong tupad ni Ninoy sud sa usa ka simpleng mausoleum. Sa dili madugay, magkuyog na sab sila sa P500 bill. Wa matinuod ang ilang gisumpaan atol sa ilang kasal nga "Till death do us part." Even in death, kuyog gihapon sila. Sweet no?
- Latest
- Trending
