EDITORYAL - Kun nailhan na sikopon na

Matud sa usa ka dakong opisyal sa kapolisan, ang nagpadala sa text message nga dunay bomba sud sa ayroplano nga padung sa Singapore adtong miaging Martes nailhan na.

Nailhan na. Apan wa pa madakpi. Ang suspek ania ra kuno sa Central Visayas.

Kadako sa Central Visayas. Apan kun nailhan na ug kun dunay katakus ang kapolisan sa pagsikop niini, labing maayo kun ilang paninguhaon nga masikop kini sa labing madaling panahon.

Kun dili kini masikop mohatag kini og pangagda kun pasibot ngadto sa ubang mga malditong elemento sa pagsuon sab sa susamang binuang nga buhat. Kay total dili man sila madakpan bisan nailhan na.

Hinaut unta nga masikop na ang giingong suspek aron sa paghatag og leksiyon ngadto sa ubang kaigsuonan tang dunay susamang mentalidad.