Hindi ko alam 'yan.
“BILANG isang piskal, responsibilidad na alamin kung paano ang proseso ng paghuli sa isang suspek, akusado o inirereklamo dahil sa paglabag sa batas…”
Eto ang diin ni Department of Justice, Asst. Chief State Prosecutor Richard Fadullon sa BITAG matapos namin itong kapanayamin sa mga importanteng isinasaalang-alang ng mga piskal oras na maendorso ang kaso.
Kinakailangan raw siguraduhin na tama at legal ang pagkakahuli o pagkakadakip sa isang suspek, kauna-unahang dapat inaalam ng piskal sa merito ng kaso.
Ayon kay Asst. Chief Prosecutor, ito ang pinagbabasehan ng mga piskal kung kinakailangan bang ituloy ang paglilitis sa kaso o kung ito ba’y released for further investigation.
Oras na iligal o mali ang pagkakahuli sa isang aku sado, halimabawa’y inimbitahan raw ang suspek suba-lit pagdating sa barangay o pulisya ay nakaposas ang suspek.
Dito, maaaring idismiss ng piskal ang kasong kanyang hinahawakan.
Subalit kamot ulo kaming nagtataka kung bakit nang makaharap ng BITAG itong si Fiscal Emmanuel Obungen at tinanong namin ito kung ang isang inirereklamo ay inimbitahan lamang, ano ang maaaring gawin ng suspek?
“Ah, hindi ko alam yan”, malinaw na sagot ng piskal at dokumentado ito ng aming camera. Dito pa lamang nakikita na ng BITAG na may kabopolan yata sa sagot na ito.
Kung sinasabi ni Asst. Chief State Prosecutor Fadullon na eto ang unang-unang tinitingnan sa paghawak sa kaso subalit kung tatanungin mo naman ang isang fiscal ay ganito ang isasagot, katatawanan ito.
Ano ba namaing sistema yan, hindi dapat basta-basta ipinagwawalang bahala ang ganitong mga sitwasyon. Hindi rin dapat gawing katatawanan lamang ang mga kasong dumadaan sa kamay ng mga piskal.
Maliit na pagkakamali lamang ay isang buhay ang magdurusa sa loob ng pi-itan lalo na’t kung inosente ang isang suspek.
Hindi na nais pang isama ng BITAG sa kolum na ito ang merito at impormasyon ng sinasabi naming kaso dahil kasaluku- yan na itong nasa hukuman.
Ganunpaman, naka- timbre na kay Asst. Chief Prosecutor Fadullon ang kapalpakan ng mga piskal na nasa likod ng kasong tinutukoy namin.
- Latest
- Trending
