EDITORYAL - Mga bandido dili kakompiyansahan

Si Eugenio Vagni, 62, ang ikatulo nga sakop sa International Committee of the Red Cross nga gisignit sa Abu Sayyaf didto sa Sulu gibuhian na sa mga terorista.

Si Vagni, usa ka Italiano, anaa sa maayong panglawas suma sa balita ug hayan mopauli na sa Italya sa dili madugay.

Ang nahitabo nga pagpangidnap sa tulo ka Red Cross volunteers mahimong isipon nga leksiyon sa ubang mga sakop sa mga international charitable organization nga ang tuyo mao ang pagtabang sa mga kabus tang kaigsuonan sa Mindanao ug Sulu.

Dili lang sila magmabinantayon kun dili usab magpakuyog gayud sa pagtuman sa ilang tahas sa security force gikan sa kagamhanan.

Kana gung mga bandido sa Kamindanawan dili gayud kakompiyansahan.