42. Heartburn ug arthritis

Ang heartburn usa ka komon nga sakit ning atong panahon. Kining maong sakit mahimong kalikayan pinaagi sa pag-inom og hustong gidaghanon sa tubig.

Usa sa gitumbok nga hinungdan sa heartburn mao ang irregular food habits, pag-inom og aerated drinks ug alkohol, pagpanigarilyo ug ang modern-day tensions nga moresulta sa mas grabeng acidity uban ang eventual damage sa stomach lining.

Ang problem sa heartburn magsugod kun adunay dehydration. Sumala sa mga pagtuon, kun ang lawas nahatagan og proper hydration, malimitahan gyod ang kahigayonan nga makasinati og heartburn.

Kun makasinati’g heartburn, ang sagad nga iresita mao ang antacids. Apan nasuta sa mga pagtuon nga makadugang lang kini sa problema sa kapulihay. Ang labing maayong solusyon sa heartburn mao ang tubig!

Sa laing bahin, ang arthritis komon sab nga sakit ning atong panahon. Daghan kaayo ang atong kaigsuonan nga naigo ning maong sakit. Nasuta nga ang unhealthy lifestyle usa sa hinungdan ning maong sakit.

Ang arthritis naila sa lainlaing ngalan sama sa rheumatism, rheumatoid arthritis, joint pain ug uban pa. Kining maong sakit moigo sa mga batan-on ug tigulang apan kadtong nagpangedaron nag 40 pataas maoy kasagarang maapektohan niini.

Ang modernong medisina walay proper cure sa arthritis. Ang available karon mao lang ang mga painkiller. May research hinuon nga nakakita nga ang dehydration sa mga tul-an ug lutahan maoy primary cause sa rheumatism. Busa, masulbad kini pinaagi sa hydration. Sa tubig! (Sunod: Back Pain ug Colitis)