35. Katakos sa tubig

Daghan og mahimo ang tubig nga dili mahimo sa ubang mga elemento. Tungod niini, ang katakos sa tubig dili gayod ma-underestimate, labina gyod ang abilidad niini sa pag-alim og sakit.

Ang mga tribu sa Hunzas sa Karakoram Mountains sa Northern Pakistan ug ang tribals sa Vilcabamba sa Andes Mountains sa South America ingon man ang Abkhasta sa Caucasus Mountain region (kanhi Soviet Georgia) makamatuod sa talagsaong katakos sa tubig pagpataas sa kinabuhi.

Ang mga tawo sa nahisgotang mga tribu nabuhi og lapas sa 100 ka tuig ug wala gyod sila makasinati sa daghang degenerative diseases nga sagad mihasi sa urban communities. Gitumbok nga ang lab-as nga tubig nga ilang giinom gikan sa mga tinubdan sa kabukiran "vibrant with life."

Ang lab-as ug putli nga tubig mao gyoy angay imnon. Apan nunot sa pagsanay sa populasyon sa katawhan ug sa paghimo’g modernong water system -- labina sa mga siyudad -- ingon sa lisod na kaayong pangitaon ang putli ug dalisay nga tubig karon, kanang tubig nga wala mabulingi o mahugawi sa bisan unsang matang sa pollutants.

"Water which has once been exposed to pollutants is dead," nagkanayon si Dr. Ludwig, usa ka awtoridad bahin sa healing powers sa tubig ug founder sa Institute for Bio-Physics sa Europe.

Matud pa sa mga pagtuon, ang tubig nga makontaminar sa bisan unsang hugaw, dili na gayod mahibalik sa kanhi niining kadalisay bisan pag kapila kini ipailawom sa proseso sa pag-purify kay ang tubig adunay power of memory ug ability to transfer information. (Sunod: Water Memory)