Nganong di man si VM Amores pagka-Kongresista?

Pagka-basa nako sa news nga daku ang purohan nga ma-finally approve sa Senado ang bill ni Rep. Nerissa Soon-Ruiz paghimo’g lone congressional district sa Lapulapu City, gituboy ko sa dakung kalipay, dili tungod kay gusto kong mahimo nga First Congressman sa Lapulapu City lone congressional district (ngano gud tawong magpatugatoga ko?), kun dili tungod sa kadaghang benepisyo nga atong mapaabot alang sa dugang kauswagan sa Lapulapu.

The thought lang nga duna na unya tay kaugalingon nga Kongresista, nga walay laing concern gawas sa paghatag og kaayohan sa dakbayan, nindot na kaayo. Unya, duna pay purohan nga ma-staff member ko sa opisina sa Congressman … samot ka nindot.

Bitaw, seriously, a group of Lapulapu City residents, have been toying the idea of endorsing Vice Mayor Mario Amores, kinsa, matud nila, performance wise, maoy most qualified to represent Lapulapu City in the Halls of Congress.

Dihay miingon nga lagmit, hata-hata lang ni Mayor Boy Radaza nga siya ang modagan pagka-Kongresista, diin matud pa, dili sayon kun magdungan sila si Paz ug Boy paglansar.

Unya, if only to maintain unity at city hall, it is but logical to field the Vice Mayor for the congressional post. Ug wa man tingali mosupak niini, gawas sa mga political oppositionists. Maoy akong nadunggan nga si Vice Mayor Amores, nangunay pag-atubang sa Senate Committee sa hearing nga gihimo, ug matud pa, na-impressed ang komite sa simple nga presentation ni Amores.

Ug nakita nga way hidden political agenda ang kadagkuan sa Lapulapu City, ingonman si Rep. Ruiz niining paghimo’g lone congressional district sa dakbayan. Of course, di kalikayan nga daghan ang mangambisyon nga mahimong Kongresista sa labing mauswagon nga dakbayan dinhi sa Kabisay-an, after Cebu City.

Pareha gud sa north district sa Cebu City, nga daghan ang nangutana kun nganong wa kahunahuna si Mayor Osmeña kang Konsehal Edgar Labella, pagka-Kongresista? Kinsa may makalupig sa iyang qualification? Tungod lang kay di sila paryente? Mao diay ni ang public service, paryentihay diay?

Mao bitaw ni ang dakung hinungdan nga naingon kita niini karon, tungod kay ang pagpangagamhanan, gihimong family affair sa atong mga lider ug gihimong panag-alayon sa mga suod nga higala. Mao nga: sa nailhan lang.

Pastilan, Dro!