Ang kabesa kon headline sa usa ka estorya kon balita sa Banat News (“Manobela” section) nagkanayon: “Driver nga di mo-discount sa plite silotan.”
Kalabot kini sa diskuwento sa plite sa senior citizens ug mga estudyante.
Ang miluwat ning laing hulga mao ang regional director sa Land Transportation Franchising & Regulatory Board (LTFRB).
Miingon kita nga “laing hulga” tungod kay makadaghan na kita makadungog sa susamang pagpanghulga ngadto sa mga abusadong drayber apan wala pa kita makadungog nga dunay drayber nga nasilotan gumikan sa ilang pagdumili sa paghatag og diskwento ngadto sa mga tiguwang ug estudyante.
Katapusan na kaha kini nga pagpanghulga sa LTFRB? Duna na kaha kita’y madunggan unya nga gisilutang mga masupilon nga drayber?