EDITORYAL - Pagpataas sa buhis di kinahanglan

Kabahin sa hisgut-hisgut nga ang administrasyon mopahamtang og bag-ong mga buhis aron sa pagtapar sa budget deficit sa kagamhanan, si Senador Manuel “Mar” Roxas II mipadayag sa iyang pagsupak niini.

Sa iyang pagdepensa sa iyang baruganan, si Roxas nagkanayon:

“This government has not shown that it can collect taxes efficiently and use such taxes collected properly.”

Matud ni Roxas dili na kinahanglan patas-an ang buhis o ba kaha mopahamtang og bag-ong buhis tungod kay anaay daghang dapit diin maharnes kini aron maka-generate og revenues.

Daghan sa atong mga kaigsuonan ang nagtuo usab nga kun maayo ang pagkolekta sa buhis ug magamit ang maong buhis sa hustong paggamit, kataparan ang deficit kon alkansi sa atong budget.

Angay’ng hatagan og seryosong pagtagad ang baruganan ni Senador Roxas.