EDITORYAL - Kaayohan sa mga estudyante atimanon

Ang gikahadlokan nga Influenza A (H1N1) virus miigo sa tulo ka mga dagkong unibersidad sa Manila.

Kada usa niining maong eskuwelahan abtik nga mihimo’g mga lakang nga dili mokuyanap ang maong virus.

Gani ang usa ka inilang unibersidad misuspende gayud sa pagbukas sa bag-ong schoolyear.

Dinhi sa ato sa Sugbu samtang wala pay eskuwelahan nga naigo (puwera buyag lang) angay’ng mohimo nag higpit nga mga lakang aron masanta ang pagsud niining maong sakit.

Masaligon kami nga gihimo na kini sa mga tunghaan diin ang kaayohan sa campus population, labi na ang mga estudyante, gihatagan og unang prayoridad.