27. Ang dugo

Ang dugo importante kaayo sa lawas sa tawo. Usa kini ka gasa sa kinabuhi. Ang kakulang sa dugo moresulta sa daghang kakulian sa panglawas. Posible gani nga mosangko kini ngadto sa kamatayon.

Ang dugo man god maoy nagdala sa proper function sa lawas. Ang dugo naghatag og kalagsik. Makapaluya sa lawas ang kakulang sa dugo. May mga higayon nga ang usa ka pasyente kinahanglang dugangan og dugo aron maluwas ang iyang kinabuhi.

Ang dugo adunay kapin kun kulang 90 porsiyento nga tubig. Ang normal nga human blood adunay pH value nga 7.3. Matud pa, ang gamay nga diperensiya sa pH value nagkahulogan og dakong deperensiya sa kapasidad sa dugo sa pagdala og oxygen.

Pananglit, ang pH value sa dugo miabot og 7.5 imbes nga 7.3 ra unta, ang dugo makadala og oxygen nga moabot og 75 porsiyento. Pinasikad niini, makaingon ta nga ang peak health mao ang pagbaton og pH value sa dugo nga 7.5 imbes nga 7.3 ra.

Ang mga doktor posibleng morekomendar sa pagkaon og alkaline foods aron magpabilin nga taas ang pH sa dugo. Kun taas god ang pH sa dugo, makabaton kinig katakos sa pagdala og dugang oxygen. Ug kun may dugang oxygen, ang tanang selula sa lawas anaa sa iyang peak efficiency ug ang lawas mismo motabang pag-eliminate sa waste products. (Sunod: Mga Mineral)