EDITORYAL - Mas importanteng isyu

Ang publisher niining mantalaan nakadawat og mensahe pinaagi sa e-mail diin kini nagkanayon:

“The Senate should not waste its time on the Katrina-Hayden sex scandal. It would be better if the Senators would look with seriousness into the vanishing mobile phone loads exposed by the Senate President.”

Dili kini maoy bugtong sugyot ngadto sa Senado nga atong nadawat kun nahidunggan bahin sa maong sex scandal.

Naa pay susamang sugyot nga atong nabalitaan gikan sa ubang lungsoranon kinsa mipakita nag kapuol sa nagpadayong lantugi kalabot sa eskandalo.

Hinaut unta nga gamiton sa mga Senador ang ilang panahon ngadto sa labing mahinungdanong butang aron dili mausik ang buhis sa katawhan.