Kemikal sa tubig

Nasuta sa mga pagtuon nga ang tubig maoy miokupoar sa kapin kon kulang two-third sa atong planeta. Apan atubangan ning maong kamatuoran, nadiskobrehan sab nga ang kadaghanan ning maong tubig dili haom sa human consumption o dili maayong imnon.

Tres porsiyento lang sa total water nga available ang haom sa human consumption. Niini, usa lang ka porsiyento ang available ug ang nahibiling dos porsiyento nagpabilin pang naserad-an sa mga "glacier" kun sa mga pundohanan niini sa sabakan sa kalibotan. Busa, nagnihit ang tubig nga ilimnon sa kalibotan.

Bisan tuod nga may mga desalination plant na karon nga nag-process sa tubig-dagat aron mahimo kining tab-ang ug mainom, ang kadaghanan sa tubig ilimnon nga gi-supply karon sa kabarangayan, kalungsoran ug mga dakbayan naggikan sa reservoirs nga nikuhag tubig gikan sa mga suba, sapa ug dagkong linaw (lake) nga maoy giilang rain-water harvesters.

Sa tuyo nga luwas imnon ang maong tubig, gi-filter kini ug gibutangan og chlorine aron mamatay ang micro-organisms nga anaa niini nga maoy hinungdan sa mga sakit sama sa jaundice, typhoid, gastroenteritis, ugbp. Apan sa tinuod lang, walay proseso nga maka-eliminate sa hingpit sa dissolved impurities sa tubig. Hinunoa, naa ang presensiya sa mga kemikal.

Ang mga kemikal nga makaplagan sa tubig-ilimnon mao ang cadmium, mercury, selenium, lead, arsenic, chlorite, cyanide, MTBE, Free Chlorine, carbon tetrachloride, dichloro ethane, dichloro ethylene, tetra chloride ethylene, tri chloride ethylene, tir chloro ethylene, phenol (tri chloro ethane), pesticides, detergents, benzene, chloroform, dichloro propane, dybriomo clistoro methane ug tri hallow methane. (Sunod: Ang Chloride)