19. Ang dementia

Gawas sa chronic diseases, si Dr. Fereydoon Batmanghelidj migamit usab sa tubig sa pagtambal sa ubang disorders ingon pananglit sa panakit sa liog, angina pain, labad sa ulo, stress, depression ug uban pa.

Gipamatud-an ni Batmanghelidj nga walay limitasyon ang katakos sa tubig sa pagtambal sa mga balatian. Tungod niini, ang tubig maisip gayod nga usa ka "miracle therapy."

Si Batmanghelidj mibutyag sab nga ang tubig dili lang makatambal sa chronic diseases kondili lakip na sa sakit sa katigulangon. Matud pa, ang pag-inom og tubig makapamenos o kaha makapadugay sa epekto sa gitawag og "ango-ango."

Sa iyang libro nga Your Body's Many Cries For Water, si Batmanghelidj misugyot nga kadtong mga tawo nga adunay dementia o Alzheimer's disease dili maayong moinom (kanunay o dili) o kape ug tsa.

Matud pa sa giilang "water doctor" nga ang mga tawo nga nagbaton og dementia angay moinom og eksaktong gidaghanon sa tubig matag adlaw, gikan sa unom ngadto sa 14 ka baso sulod sa 24 oras.

Dili kay kana ra. Misugyot usab si Batmanghelidj nga kadtong mga bata nga hinay og utok o bugo dili angay moinom og kape o tsa kondili mas maayo hinuon nga paimnon sila og eksaktong gidaghanon sa tubig. (Sunod: Gidaghanon sa tubig)