Alkaline Ionized Water

Ang alkaline ionized water mao ang lunsay ug limpiyo nga tubig nga adunay mga mineral. Sumala sa mga pagtuon, nagbaton og daghang oxygen ang tubig nga alkaline gumikan sa proseso sa purification nga giagian niini.

Gibutyag sa mga researcher nga ang tubig nga alkaline maoy labing maayong tubig nga isulod sa lawas sa tawo. Ang alkaline water dako'g kalainan sa reverse osmosis. Sa reverse osmosis gud, malimpiyo ang tubig apan matangtang usab ang mga mineral niini.

Dihay higayon nga ang pag-inom og alkaline water gituohan nga usa ka seguradong paagi sa pagpanalipod batok sa sakit nga cancer. Gani, ang Japanese Health Ministry mirekomendar man kaniadto nga moinom gyud og alkaline water aron mamenosan ang posibilidad nga matakboyan sa sakit nga cancer. Hinuon, ang medical community sa Japan nagpadayon pa karon paghimog pagtuon bahin sa katakos sa alkaline water pagpanalipod nato batok sa mga balatian.

Samtang giisip nga ang alkaline ionized water usa ka "cure all", may lahing pagtuon usab nga nagbutyag nga kining maong tubig makapahinay sa activity sa pepsin, usa ka justified enzyme nga makapatay sa mga bakterya sulod sa tiyan.

Tungod niining maong resulta sa pagtuon, ang Ministry of Health sa Japan mi-re-examine sa ilang approval sa usa ka medical device nga gitawag og "alkaline ioniser". (Sunod: Medisina ug tubig)