EDITORYAL - Hagit ngadto sa towing company

Nagkagrabe ang mga reklamo batok sa towing company nga gikontra sa City Hall aron pagpanghipos niadtong mga sakyanan nga namarking sa mga dapit nga dili paparkingan.

Matud pa sa ubang “biktima” niining towing company “abusado” kaayo ang pipila ka mga personnel niini kinsa na-deputized isip sakop sa Citom.

Tungod kay ganahan man gayud kining mga tawo sa maong towing company sa pagpang-tow kon pagpangguroy sa mga giingong illegally parked motor vehicles, nganong di man nila pangguroyon kanang mga sakyanan nga nag-overnight parking sa daplin sa kadanan?

Hagbay rang misaad ang Citom nga ilang hatagan og solusyon kining problema sa overnight parking, nganong di man ipakita sa towing personnel ang ilang abilidad sa pagpanghipos niining mga sakyanan nga nagparking illegally panahon sa kagabhion?