Sa makausa pa, ang Department of Education (DepEd), mipahinumdom ngadto sa mga hingtungdang mga magtutudlo sa public schools sa pagtuman sa “no collection policy” sa DepEd atol sa enrollment sa mga kabataan ning umaabot nga Hunyo.
Mimando ang DepEd nga walay enrolee nga pabayron og bisan usa ka sentabo. Ug wala’y bata nga gustong motungha ang balibaran.
Dalaygon kining polisiya sa DepEd kalabot sa pagpa-eskuyla sa mga bata, ilabi na kadtong mga bag-o pa nakatunob sa eskuwelahan.
Mahidani ang daghang mga bata sa pagpa-enroll diin ang resulta niini mao ang pagtaas sa literacy rate sa nasud ug momenos ang gidaghanon sa mga mahisalaag nga kabataan.