Ang ayurveda

Nagtuo ko nga dili pamilyar natong tanan ang Ayurdeva. Kini mao ang sistema sa Indian medicine nga nag-isip sa tubig nga usa ka essential item sa pag-maintain sa kahimsog sa panglawas.

Dugang niini, ang ayurdeva mi-stipulate sa quantity and manner mahitungod sa hustong pamaagi sa pagkonsumo sa tubig. Gituohan man gud nga ang saktong pagkonsumo sa tubig mo resultag maayong linugdangan.

Ang bag-ong pagtuon ug panukiduki mipamatuod nga ang unsa man nga gibutyag sa ayurdeva mahitungod sa tubig kaliboan ka tuig na ang nakalabay pulos tinoud.

Subo kaayong palandongon nga ang mga tawo ning moderno natong panahon diyotay ra kaayo’g nahibaloan mahitungod sa kamahinungdanon sa tubig ingun sa pagtuo ug pag-ila sa ayurdeva.Daghang mga tawo karon nga nagtuo nga ang bisan unsang fluid nga masulod sa lawas maisip nga hulip o substitute sa tubig.

Ingon sa siyensya sa kinabuhi , ang ayurveda giila nga labing karaan nga sistema sa panambal sa kalibotan. Sentro ning maong matang sa panambal ang pagbalanse sa lawas, hunahuna ug kalag. Gisagop dinhi ang yoga, pamalandong, masahe, mga ehersisyo sa pagginhawa ug paglimpiyo.

Sa aspetong paglimpiyo ang tubig nagadula og mahinundanon kaayong papel sa sistema sa ayurveda. (Sunod Pangpaniwang)