EDITORYAL - Pahalipay ngadtong Cerge

Ang istriktong Commission on Appointments mi-aprobar sa walay daghang kuti-kuti sa appointment ni Sugbuanong Cerge Remonde isip Press Secretary. Unanimous ang pag-uyon sa komisyonado.

Matud ni Senate Pres. Juan Ponce Enrile, ang pangulo sa CA, ang pag-uyon sa mga sakop sa Komisyon sa walay kalangay mipakita nga si Cerge Remonde aduna gyu’y kapasidad sa pagkupot sa puwesto nga gihatag kaniya.

Wala kami laing ikapuno sa gisulti ni Senador Enrile kun dili ang pagpahalipay na lamang ngadtong Cerge ang igsoon namo sa buhat ug ang panghinaot nga magpadayon ang iyang maayong pagpanerbisyo sa nasud.