Dili mahimo kun wala

Diha sa kinabuhi adunay mga butang nga bililhon apan mahimong wala ra pud sanglit ang ilang bili dili man kaayo dako ug dili kaayo bug-at. Hinuon, adunay mga butang bililhon nga dili mahimo kun wala sanglit nagkahulogan man sila og kinabuhi ug ugma ni bisan kinsa nga nalambigit kanila. Ang ebanghelyo karong Domingoha nipatataw sa kalambigitan sa tawo ngadto sa tuboran ug dugokan sa iyang kinabuhi ngadto sa usa lamang ka Dios nga nahimong nahulagway mismo diha sa dinihogang Kristo nga mao ang punoan sa paras.

Buot nato ingon nga tawo nga mamahimong gawasnon. Diha natong imantala ingon nga kawsa nga makahimo kita pagbuhat sa tanan natong gusto sa ngalan sa kagawasan.Apan sa matag higayon nga kita magpalayo ug mokagiw gikan sa Diosnong tinubdan nahimo naman hinuon kitang mas maluya pa ug mawad-an sa umoy sa kinabuhi. Halayo sa Ginoo wala kita’y mahimo. Dili paigo ang tawhanong katakus aron mamahimong magmalampuson ang tawo.

Ning maong kapasikaran, gidapit kita sa paghimo og usa ka personal nga pag-usisa kun hain na kita dapit sa atong kinabuhing espirituhanon. Nitubo ba kita o nagkaluya ba kaha?