Grabe diay ka makalilisang ang gitawag nga swine flu. Walay tambal nga makapatay sa virus niini ug didto sa Mexico ubay-ubay nang mga tawo ang nangamatay tungod niini.
Gihimo karon sa atong kagamhanan ang tanang posibleng lakang nga kapugngan ang pag-abot dinhi sa ato niining swine flu.
Usa sa mga lakang mao ang pag-awhag ngadto sa mga nagbuhi og baboy -- commercial o backyard -- sa pagduol sa health authorities ug sa paghangyo nga susihon ang ilang baboy kun anaa ba kini sa maayong kondisyon.
Kinahanglan ang kooperasyon tali sa health authorities ug sa mga namuhig kababuyan isip precautionary measure kun lakang sa pagpugong nga kasudlan kita sa delikadong virus.