Adunay sugyot ang usa ka sakop sa Hunta Probinsiyal sa lalawigan sa Sugbu diin kadtong mga mogradwar na sa high school patamnon una og mga kahoy diha sa mga nangaupaw na nga kabukiran sa lalawigan.
Matud pa sa usa ka tigpaniid: “Ang mga estudyante ba ang miupaw sa kabukiran? Kadtong mga sad-an magkatawa na lang.”
Ang tinguha nga mahulipan og bag-ong tanom ang mga bahin sa kabukiran nga nangaupaw lisud gyud makab-ot kun walay moatiman sa mga seedlings nga gipananom.
Busa usik lang ang kahago sa mga estudyante kun mahinayon man gani ang pagpatanom kanila sa mga nangaupaw na nga kabukiran.