Sa paghimo og balay

Usa sa akong higalang makamao modisenyo ang nihatag kanako ning maong pahimangno: “Diha sa pagbuhat og balay, mas haom nga panindoton nimo kining duha nga mao ang kuwarto diin ikaw mopahulay ug ang kusina diin ikaw mokaon kuyog sa imong pamilya.”

Pamalandong

Ingon usab niini unta ang atong pagsabot sa kinabuhing Kristohanon. Ang sagrada Eyukaristiya angay nga panindoton aron mga tawo ang mas madani pa gayud diha sa pagpaduol sa Ginoo diha sa talad kan-anan sa pagkaon nga langitnon. Kay diha sa pagkaon anaa ang dakong kahigayonan nga ang nanambong magdiskusyon sa mga mahinungdanong hilisgutan sa kinabuhi.