Sugal sulod sa school campus

May nadawat kong text gikan sa naggamit sa cell. no.  0908-2451543 niadtong Agosto 4, 2008 (Sent: 09:27:09pm). Nagpaila siyang usa ka high school student sa usa ka tulonghaan sa Lapulapu City.

Gibutyag sa maong texter pinaagi sa iyang SMS nga sa ilang eskuylahan pasagdan lang (kuno) ang mga estudyante nga magsige’g sugal sulod sa school campus. Daghan (kunong) estudyante nga magsige’g sugal sukad buntag hangtod hapon kada adlaw.

Nahimutang ning maong eskuylahan sa usa sa mga barangay sa Lapulapu. Angayan kining aksiyonan sa mga tagdumala sa tulonghaan, labina gyud ang prinsipal ug mga magtutudlo.

* * *

Ang atong texter nga naggamit sa cell. no.  0916-8505994 mireklamo bahin sa kahugaw sa CR sa usa ka dakong Simbahan diha sa kinapusoran sa dakbayan sa Sugbu.

“Kun maatlan ta nga maglain ang atong tiyan inigsimba, wala gyud tay magamit nga CR. Pait kaayo,” nagkanayon ang atong texter.

Kining CR sa simbahan maisip baya sab kana nga pangpubliko, gawas lang kaha kun anaa kana sulod sa kombento. Angay gyud ning limpiyohan. Angay nga ang simbahan maoy modelo sa kalimpyo.

* * *

“Good PM. Nakabasa ko sa imong column bahin sa mga traysikad diha sa pier kay kanunay man ko nagsunod ning imong lindog. Tinuod gyud nga kusog sila manglubag sa mga pasahero. Mobungat gyud kun pilay gusto nilang pangayoon nga plite Masuko ra ba kun moreklamo ta. Tag gatos (P100) ra ba gyud ang ilang pangayoon.” -- 0920-8611497 (Sent: 12:52:20pm-- August 5, 2008)

Sobra na gyud kaayo ang pagpahimulos sa higayon sa mga traysikad drivers diha sa pier area. Extortion na man ang ilang gihimo, uy!

Aksiyoni kini ninyo, proper authorities!

* * *

 (Sumbong ug reklamo? Text sa 0910-8105522).