EDITORYAL - BRT kinahanglan tinud-on
Ang World Bank mipakitag dakong interes sa pagtabang sa kagamhanan sa siyudad sa Sugbu sa pag-implementar sa giplano niining pagmugna og Bus Rapid Transport (BRT) system alang sa Metro Cebu.
Gani, usa ka World Bank mission ang gitakdang moanhi dinhi niining bulana aron sa pagdiskutir uban sa mga opisyal sa City Hall kalabot ning maong proyektoha.
Hinaut nga tinud-on sa kagamhanan sa siyudad ang pagtukod og BRT dinhi aron masulbad ang problema sa public transport nga sa pagkakaron dominado sa mga jeepney.
Kining BRT mohatag og kasayon sa mga komyuter sa ilang adlaw-adlaw nga panggibuhaton ug makahatag sa siyudad ug sa tibuok Metro Cebu og modernong imahe.
Natural lang nga kining planoha babagan sa mga PUJ operator ug driver apan ila sang hunahunaon ang kaayuhan nga maangkon sa mga Sugbuanon gikan niining proyektoha.
- Latest
- Trending
