Naay daghang promo karon nga gipaagi lang sa text. Mga panghaylo nga kun atong patolan, posibleng maghatag natog kalagot kay misteryoso man kaayong mahanaw ang atong load. Mao nga mas maayo tingaling dili kita mo-entertain sa mga promo diha sa cellphone kay mo-avail man kita niini o dili, suyopon ang atong load.
Ang pipila ka promo sa text mao ang sama niining mosunod:
1. "Maagang Pamasko para sa inyo. Ipasa lamang ito sa 25 subscribers at i-activate namin ang inyong SIM. For free texting in one month."
2. "Free tips. Follow a strict budget. Have a weekly allowance sa wallet. Don't overspend more. Text tipid to 206."
3. "Win load today! Text Carla to 3262. May P100K cash pa puwedeng mapasaiyo kada tawag."
Pipila lang ni sa mga haylo o promo pinaagi sa text. Samtang walay dakong garantiya nga tinuod ni, ang labing dakong posibilidad nga misiwil mao nga posibleng mahanaw ang atong load nga wala gamita sa higayon nga mo-text ta ngadto sa designated nga 3 or 4-digit numbers.
Laing kamatuoran nga misiwil mao nga patolan nato kining maong mga haylo, nag-usik-usik lang ta sa atong load. Tiaw ba nga aron maka-avail sa promo ipasa pa man nato ang text ngadto sa 25 ka subscriber. Dili ba P25 na sab kana? O sa designated number nga tag P2.50 o P5.00 ang kaltas matag text.
Klaro baya ning binuanga! Ang gusto sa nagpasiugda niini mao nga mahurot og dali ang atong load aron mag-load na sab kita pag-usab. Sa ingon, mokita silag dako gikan kanato! Pastilan!
* * *
"Hala! Hayahaya ni (ngalan gipugngan sa editor) uy. Nakapalit man og lote sa protected area. Hala, bongga! Basta alyadong PGMA haruhay ang pagpuyo." -- 0920-4961953
Klareks! PGMA na god na! Maong daghang mosipsip! Bahala nag ingnong turutot, itoy o pating.
Sagdi lang. May iya man nga panahon ang matag panghitabo. May mga hitabo nga kabubut-on sa Dios. May panghitabo sab nga bisan dili Iyang kabubut-on apan Iyang gitugot nga mahitabo.
(Sumbong ug reklamo? Text sa 0910-8105522).