Cabul-an

Nakadawat kog text gikan sa usa ka magbabasa nga sa akong pagtuo, angayan gyod hatagan og pagtagad. Akong ipatik ang iyang text, dili tungod kay mituo ko sa iyang mga pasangil, kondili aron kini matimbangtimbang sa proper authorities ug mahatagan og dinaliang aksiyon.

Ang text nagkanayon: "Good day, Sir. Naa lang koy reklamo. Diri sa among isla sa Cabul-an, Buenavista, Bohol naay magtiayon diri nga dugay na kaayong namaligya og shabu. Nganong wala man gyod sila dakpa bisan naa na sila’y naka-pending nga warrant? Ang mga opisyal sab sa duha ka barangay diri kay walay aksiyon bisan og nakahibalo na sila. Well-known na kaayo ang ilang mga ngalan kay bisan ang mga bata nakahibalo na man. Kun mahubog magsigeg pangita og away." -- 0909-9419260 (Sent: 06:15:34pm--July 5, 2008)

Kun nakabasa ning maong text-reklamo ang magtiayon bukas kining lindog alang sa ilang reaksiyon aron pagpasabot sa ilang habig.

Sa samang higayon, ato sab nga paaboton ang reaksiyon sa mga opisyal sa duha ka barangay sa isla sa Cabul-an kalabot niining pasangil sa usa   nato ka texter.

Dugang niini, mas maayong ma-counter check kini sa proper authorities, sa PNP ba kaha o sa PDEA, aron masuta kun tinuod ba o dili kining pasangil sa atong texter.

* * *

"Good morning, Sir. Naay mga dispatser diha dapit sa may Gaisano Mactan nga masuko namong mga pasahero kun dili mi mosakay sa sakyanan ilang gidispatseran. Padulong mi sa Punta Engaño unya sa Soong ra sila kutob. Mamugos gyod." -- 0928-6968915 (Sent: 06:23:23 am--July 6, 2008)

Kanang maong mga dispatser wala gyod maglantaw og maayo alang ninyong mga pasahero. Ang importante nila nga makadelihinsiya sa mga driver. Bahala nag mahasol mo sa pagpanakay basta maseguro ang ilang interes.

Ireklamo kana ninyo ngadto sa mga awtoridad, tanod man o polis puyde ninyong dangpan. Kun wala sila’y himoong aksiyon, nagpasabot kana nga gipaumhan sab nila ang ilang katapol!

* * *

 (Sumbong ug reklamo? Text sa 0910-8105522).