Cellphone puasa

Usa sa mga parokyano ang kanako nangutana kun unsay akong ikasulti kalabut sa sugyot sa Roma nga sa cellphones ug ubang mga gadgets kita magpuasa ning balaanong panahon sa Kwaresma. Ako wala dayon makatingog aron mohatag sa reaksiyon ug ang parokyano nga mipahiyom ang igo lang miingon: “Kun mao kana padre, unsaon na lang mga mensahe nga kanako maghatag og kinabuhi. Sama pananglit sa Mwaaaaah! Pahiyom sa bilyakang Beata.

Pamalandong

Maayo ang sugyot sa Roma hinuon angayan lang nga balansehon kini ug sabton dili lang sa literal nga pagsabot. Kini tungod kay nahimo naman kining kabahin sa atong kinabuhi. Apan mas maayo nga gamiton na lang ang mga cellphones sa pagpadala sa mga mensahe nga dunay pamalandong kay sa mga mensaheng igat-igat lamang o dili ba kaha sa mga mensaheng nagdala og ilad.