Suga

Usa ka magbabasa ning lindog mi-text nga nagkanayon: "Good day, Sir. Ako lang ipaabot ning akong reklamo ngadto sa konsehal nga maoy chairman sa committee on street lighting diri sa among dapit sa brgy. Mactan. Diri sa eskina Angasil dugay nang walay suga ang poste. Taga Angasil baya ni si Konsehal Augoto. Grabe’g wala siya kakita sa poste nga walay suga? Thanks." -- 0906-8105285

Manghinaot ta nga pinaagi ning pinobre tang agony column makaabot ngadto ni Konsehal Augoto kining reklamo sa iyang konstituwente.

Para nako, lehitimo ug balido kining pagpakabana sa atong texter. Angay gyod nga sug-an ang kadalanan aron dili magkapa-kapa sa kangitngit ang mga tawo nga maglakaw panahon sa kagabhion.

Angay gyod nga hayag ang ka dalanan panahon sa kagabhion labina karon nga daghan na kaayong mga badlongon sa katilingban.

* * *

"Good AM, Sir. Ako lang ipahibalo sa tanang mga pasahero nga mosakay sa PUJ nga 21B, 21D, etc. nga magbantay-bantay anang tulo ka lalaki nga mosakay dapit sa Mabolo ug mokanaog sa Tipolo. Ang modus ana nila kay mokapyot ug dayon moingon nga naay Citom. Modali dayon silag suksok sa sulod sa PUJ. Paiswagon ka og dili ka kabantay nanguot na sila og celfone. Ang usa nila magdala og bag nga dako. Pag-abot sa Tipolo mokanaog na sila kay wa na daw Citom. Mga dagko ra ba og lawas. Nabiktima na ko nila. Naimpas ang akong celfon." -- 0916-5310490

Hinaot unta nga daghan ang makabasa ning text sa nagpakabana nga texter ug makabantay ang atong kaigsuonan batok nianang tulo ka lalaki nga mga mangunguot nga maoy sagad biktimahon ang mga pasahero sa PUJ nga magbiyahean sa Mandaue City gikan sa dakbayan sa Sugbu.

Timan-i ninyo ang estilo sa ilang modus operandi aron maalerto dayon kamo sa higayon nga makasakay kining mga tawhana sa PUJ nga inyong sakyan. Sa ingon, makapangita dayon mog paagi unsaon aron dili kamo mabiktima sa ilang tinonto.

Pagbantay gyod kamo kanunay!

* * *

 (Sumbong ug reklamo? Text sa 0910-8105522).