Bantay dagat

"Good day, Sir. Naa lang unta koy pangutana kun naa pa bay Bantay Dagat karon? Kun naa pa man gani nganong wala man dakpa ning liba-liba diri sa Mandaue? Ari ni sila managat sa may Pier 7 tungod sa may F.F. Cruz. Hinaot unta nga ila ning hatagan og pagtagad." -- 0907-3972964

Asa na tuod ang mga tinugyanan sa Bantay Dagat? Makapangutana ta niini kun tinuod ang sumbong sa atong texter nga ang liba-liba anha ra managat sa may Pier 7 pero wala gyo'y nakadakop niini.

Angay ning susihon sa atong proper authorities. Sa akong nasayran, ang liba-liba adto managat sa lawod. Pero kun may liba-liba nga anha lang managat sulod sa Mactan channel unya walay nakabadlong niini, mora'g makaingon tang may pagpabaya ang mga awtoridad.

* * *

"Good day, Sir. Naay minibus nga magbiyahen sa rota nga Sogod-North bus terminal. Naningil man og P80 nga plite from Catmon to Mandaue. P40 ra man untay plite diha. Manuyo ra ba ang konduktor kun supakon." -- 0910-2192901

Pagpadangat og reklamo ngadto sa buhatan sa LTO o ba kaha sa LTFRB. Kini ang labing tukmang lakang nga imong buhaton kun nagtuo ka nga wala mahisubay sa taripa ang gipaningil nga plite ug maisip kining overcharging. Mas maayo kun makuha nimo ang ngalan sa konduktor, driver, plate number sa sakyanan lakip ang LTFRB case number niini aron dali ra nga ma-trace

"Diri sa Soong center, Mactan, LLC nisiaw na ang hold-up, akyat-bahay. Daghan na ang nangabiktima. Manghinaot mi nga maaksiyonan ni sa mga polis diri." -- 0915-4274846

I-report ninyo sa buhatan sa kapolisan kun adunay mahitabong pagpangawat ug panghold-ap diha sa inyong dapit. Magpa-blotter.

Awhagon sab nato ang kapolisan sa pag-counter check niining gisumbong sa atong texter. Kun misiaw na ang mga hold-aper ug kawatan diha sa Soong, angay pahugtan sa kapolisan ang pagbantay aron dili makahuygo kining maong mga malapason sa balaod.

* * *

 (Sumbong ug reklamo? Text sa 0910-8105522).