Naay duha ka balaudnon nga karon naghuwat og hukom sa Kongreso nga adunay kalambigitan sa prensa kon media dinhi sa nasud.
Ang una mao ang hagbay rang gihisgutan nga Libel Decriminalization Bill ug ang ikaduha mao ang gitawag nga Right to Reply Bill.
Gihangop sa prensa ang nahaunang bill apan gipanghimaraut sa mayoriya sa mga sakop sa prensa kon media ang ikaduhang balaudnon.
OK alang kanamo ang Libel Decriminalization Bill tungod kay gitan-aw namo nga kini makapalig-on sa pundasyon sa media sa atong nasud.
Apan among giilang salawayon ang Right to Reply Bill dili lang tungod kay nahisupak kini sa Konstitusyon kundili usab nga makapahuyang kini, sa among pagtuo, sa pundasyon nga gihisgutan nato sa unahan.
Hinaut nga timbang-timbangon og maayo sa atong mga magbabalaud ang pros ug cons niining duha ka balaudnon una sila moluwat sa ilang hukom.