Ang halapad nga pagpangurakot sa gobiyerno sa Pilipinas diin ginganlan na karon kining atong nasud nga “most corrupt in Asia and one of the most corrupt in the world” nakapahinuklog sa mga Pilipinhon sa abroad.
Sa iyang email ngadto ni Sen. Mar Roxas, si Johnny de Leon, Pinoy nga nagbase sa Canada, misumbong nga tungod sa grabeng corruption sa Pilipinas naa nay mga langyaw nga motawag sa mga Pinoy nga “thieves” kon kawatan.
Ang mga kurakot sa gobiyerno angay na unta nga mauwaw niining ilang gibuhat ug maluoy na unta sila sa nagsangkiig tang nasud nga gibiay-biay na karon didto sa ubang kanasuran gumikan sa ilang makalilisang nga corruption.
Hinaut nga mopataliwa na ang Divine Intervention kun dili man ugaling makapahunong ang gobiyerno sa maong pagpangurakot.