Sa iyang pagpakigpulong atubangan sa mga estudyante sa University of San Jose-Recoletos dili pa lang dugay, si Sen. Loren Legarda nagkanayon nga isalikway kadtong mga politiko nga gustong modagan pagka-presidente apan dili angayan nga mokupot sa maong hataas nga katungdanan.
Ang angay kunong magpapili para Pangulo kinahanglan adunay integrity, competence ug compassion.
Ang nasud wala magkinahanglan og lider o mga lider nga corrupt kon kusog mangurakot, matud niya.
Ang katawhan, ilabi na ang mga pumipili, sayud -- kay dili man sila mga utok bolinaw-- nga angay’ng isalikway ang mga kandidato nga wa’y integridad ug hawod sa pangurakot.
Apan bisan pa sa maong kasayuran, ang mga dili angay’ng pilion mao may mapili. Ngano man kini?