Bisan asang dapit posibleng ikahibalag nato ang tulisan. Pero aduna gyoy mga dapit nga morag identified na nga paboritong dansohan sa mga tulisan. Angay sab tang magbantay kun mahisum-ok ta sa maong dapit aron dili ta mabiktima sa tulisan.
Usa ka nagpakabanang texter mi-text nga nagkanayon: "Diha dapit sa Mabolo nagsige ra man og balik-balik nang mga tulisan diha. Daghan na kaayo ang nabiktima nila." -- 0907-2471763
Pinaagi ning atong agony column atong pahimangnoan ang atong kaigsuonan nga magmatngon ug magbantay aron dili sila mabiktima sa mga tulisan nga nag-operate nianang lugara.
Kadtong nangabiktima na, pa-blotter gyud mo sa presinto sa kapolisan aron ma-aware ang atong mga awtoridad sa mga krimen nga nahitabo dihang dapita. Sa ingon, ila sab kining maaksiyonan.
* * *
"Sir, naa miy silingan diri sa Tayud pagutlan Liloan nga wala gyod mabadlong ang pagpa-operate nila’g video karera. Polis man god ang tag-iya ug ang caretaker niini mao si PF. Maayo unta kun mabadlong na ni. Salamat." -- 0929-7781854
Awhagon ko ang kapolisan sa lungsod diin nahisakop kining maong dapit sa pag-counter check ning impormasyon nga gipadangat sa atong texter.
Ilegal ang video karera busa angay gyud kining sumpoon bisan pag tinuod ang alegasyon nga usa pod ka polis ang tag-iya niini.
Angay sab ilhon ang polis nga giingong maoy tag-iya sa video karera machine. Aksiyoni!
* * *
Ang plite sa tricycle nga nagbiyahean sa Asturias-Balamban tag P14 sa tag P60 pa ang litro sa gasolina. Karong tag P40 na lang kapin ang litro mao gihapon ang ilang singil, mangayo pa gyud og plus P5 labina sa kagabhion." -- 0922-2947849
Labing maayong magpadangat mog reklamo ngadto sa buhatan sa LGU sa Balamban o sa Asturias ba kaha aron ma-address kining maong problema. Dangop kamo sa chairman sa committee on transportation sa konseho sa Balamban o sa Asturias.
* * *
(Sumbong ug reklamo? Text sa 0910-8105522).