EDITORYAL - Balaud kontra charitable act?

Upat ka langyaw nga puti ang buot unta mohatag og limos ngadto sa makililimos nga inahan kinsa nagkugos og bata diha sa may simbahan sa Sto. Rosario.

Nakugang kini dihang gipugngan sa ilang local guide. “Why, what’s wrong?” usa ka turista nangutana dala ang kahibulong.

Gipasabot sila sa guide nga dunay balaud dinhi sa Pilipinas diin silotan kadtong mohatag og limos sa makililimos.

Milingo-lingo ang mga turista. Mora’g dili makatuo nga dunay balaud diin gihimong usa ka criminal act ang pagtabang sa pobreng makililimos.

Kining maong balaud gihigpit ang pagpatuman sa gobiyerno bisan daghang langyaw ang dili makatuo nga duna diay balaud kontra charitable act.