Usa ka pari ang misakay sa usa ka taxi. Ang drayber mihangyo kaniya: “Sir, hapit sa ko kadiyot sa Basilica aron modagkot kay ako gyud ning tulomanon.” Tuod midagkot gyud ang maong drayber. Ang pari nga wala mailhi ang nagkanayon ngadto kaniya: “Buotan gyud ka da!” Apan ang drayber kusganong nihimakak:”Dili oi! Ako man gud nga nakita nga mas epektibo gyud kun modagkot ta sa mahal nga Senyor! Natuman ang tanan nakong hangyo! Ikaw Sir, pila naman ka buok ang imong anak? Ang pari mitubag:”Ulitawo pa man ko bay!” Ang drayber mitubag:”Kun mao kana, ayaw kaguol, ako kang idagkot aron maminyo ka na!”
Pamalandong
Dako kaayo og kahimoan ang hugot nga pagtuo.Sa atong pagsimba sa mahal nga Senyor Sto.Niño ato untang isipon nga ang pinakadakong milagro nga iyang nahimo alang kanato mao mismo ang atong kaugalingong kinabuhi.