"Good day, Sir. Naay sugal diha sa Ramos Market. Kada gabii gyod na diha. Naa kilid sa brgy. hall. Akong bana dili na kaabang sa taxi kay sigeg hapit diha." -- 0916-4785559 (Sent: 11:47:58 am--July 15, 200)
Atong gisangpit ang atensiyon sa mga opisyal sa barangay nga maoy nagsakop sa Ramos Market. Susiha ninyo kining sumbong sa atong texter nga naa kunoy sugal diha kilid sa barangay hall. Eskandalo kaayo kun tinuod man ugaling kini.
* * *
Ang naggamit sa cell. no. 0908-2639171 mi-text nako (Sent: 02:35:52 pm--July 15, 2008) ug miingon nga adunay konsehal diha sa Cubacub nga kun mopatuman og proyekto diha sa maong barangay, iyang i-overprice.
Sumala sa atong texter, babaye kining maong konsehal. Dihay kausa nga nagpalit kini og bombelya, gitamper ang presyo, matud pa sa atong texter. Gipatongan kuno ang presyo aron makapaak og gamay nga kantidad.
Ambot unsa kini ka tinuod. Pero kun tinuod man, dako kining binuang!
* * *
"Mga residente mi diri sa may Atillo Subdivision 2 diri sa Tres de Abril. Naay apartment diri nga walay klarong drainage. Ang ilang hugaw nga tubig magpundo sa luyo. Walay hubas-hubas ang tubig mag-ulan man o dili." -- 0909-8131208 (Sent: 06:12:47pm--July 15, 2008)
Labing maayo nga ipaabot ninyo ang inyong reklamo ngadto sa barangay. Mas maayo nga masayod niini ang inyong brgy. officials aron ila kining mahimoan og tukmang lakang.
* * *
"Naay namaligyag shabu sa lungsod sa Pinamungajan. Naa gyod mismo luyo sa police station." 0928-4943493 (Sent: 07:26:21pm--July 15, 2008).
Uy, kakursonada ba nianang maong pusher. Tiaw ba nga naa man gyod siya namaligyag shabu luyo sa police station.
Labing maayo nga ma-counter check ni sa Pinamungajan PNP. Kun masuta nga tinuod kining maong kasayoran, labing maayo nga masumpo nila sa hingpit ang pagpayuhot og shabu diha sa Pinamungajan.
* * *
(Sumbong ug reklamo? Text sa 0910-8105522).