EDITORYAL - Likayan unta ang rebentador

Ang penitensiyal prosisyon sa Sto. Niño alang sa tuig 2009 ipahigayon karong hapon.

Sa mga minglabay’ng prosisyon aduna gyuy mga tawo nga magpabuto’g rebentador isip pagduyog sa selebrasyon o ba kaha sa pagyukbo ngadto sa Balaang Bata.

Makadaghan nang higayon nga ang kadagkuan sa Simbahan ug ang kapolisan mihangyo ngadto sa mga deboto sa dili pagpabuto og rebentador aron dili maalibwag ang mga nangapil sa prosisyon.

Alang usab sa paglikay sa posibling manga-angol nga mga tawo.

Manghinaut kita nga kining gamay tang tingog makapuno sa awhag sa kadagkuan sa Simbahan nga likayan lang unta ang pagpabuto atol sa prosisyon karong hapon.